Ravshan Haydarov: "Jahon chempionatiga boradigan tarkibni deyarli aniqlab oldim"

"Uch kunlik yig'inimiz doirasida Qirg'izistonga qarshi o'yin rejalashtirilgandi. Raqibimiz safida bizdan katta yoshdagi futbolchilar o'ynashadi. Bugungi bahsga jiddiy tarzda yondoshdik. Bugun birinchi bo'limda yaxshi o'ynadik. Ikkinchi bo'limda esa xotirjamlik deya olmayman, oddiy qo'pol xatolar sodir bo'ldi. Birinchi gol o'tkazib yuborilgan vaqtda markaziy himoyachilarimiz to'pni yo'qotishdi. Ikkinchi golga kelsak, Akrom Komilovning qo'pol xatosidan so'ng penalti belgilandi. Yigitlar bilan ushbu xatolarni ko'rib chiqamiz, tayyorgarlik jarayonida bu tabiiy holat", - deydi Ravshan Haydarov.

"Ushbu yig'inda ikki nafar asosiy futbolchimiz ishtirok etmadi. Javohir Sohibov va Odil Hamrobekov o'z klublari safida OCHLdagi muhim o'yinlarda ishtirok etishdi".

"Jamshid Boltaboev jarohati tufayli mundialga bormasligi aniq bo'ldi. U hali individual tarzda ham mashg'ulotlarni boshlagani yo'q. Boltaboev yarim himoyada ijodkor futbolchi hisoblanadi. Biroq uning o'rnini bosadigan o'yinchilar topiladi deb o'ylayman".



"11 maydan Toshkentda navbatdagi yig'inni boshlaymiz. Bu yig'in doirasida "Oq-tepa" bilan o'rtoqlik uchrashuvini o'tkazamiz. 19 mayda yurtimizdagi yig'inni tugatamiz. 20 mayda yo'lga chiqamiz, 22 mayda Yangi Zelandiyaga etib boramiz. 2 kun o'tgach Vellingtonda Panamaga qarshi o'rtoqlik uchrashuvini o'tkazamiz. 28 may kuni CHristchurch shahriga etib boramiz. Aynan o'sha erda Gondurasga qarshi ilk uchrashuvimizni o'tkazamiz".

"Jahon chempionatiga boradigan tarkibni shu kunlarda elon qilaman. Lekin jamoaning o'zagi deyarli aniq. Yig'inda 21 nafar futbolchi qatnashdi. Sohibov va Hamrobekovni qo'shsak 23 nafar bo'ladi".


Narzulla Saydullaev yozib oldi