PREVYU. "Olmaliq" - "Neftchi"

Olmaliq – Neftchi
26 sentyabr 2014 yil. Olmaliq. “OKMK” stadioni. 17:30
Hakamlar: D.Pislegin, X.SHodmonov, B.Norsafarov, D.Karimov
Nazoratchi: D.Roman.

“Olmaliq” va “Neftchi” oliy ligada 13 marta to'qnash kelishgan. Ushbu o'yinlardan 8tasida farg'onaliklar g'olib bo'lishgan. 2ta o'yin durang hisobida yakunlangan, “Olmaliq” hisobida 3ta g'alaba mavjud.

“Neftchi” shu kungacha o'zaro o'yinlarda “Olmaliq” darvozasiga 26ta to'p kiritgan, Toshkent viloyati klubi esa “Neftchi” darvozasiga 12ta gol urgan. “Olmaliq”  o'zaro o'yinlarda 11 ochko ishlab olgan bo'lsa, “Neftchi” 26 ochkoni qo'lga kiritgan. “Neftchi”ning oliy ligada “Olmaliq” ustidan erishgan eng yirik g'alabasi 4:0 ni tashkil qiladi. “Olmaliq”ning yirik g'alabasi esa 3:1.
 
Birinchi davrada vodiyda bo'lib o'tgan o'yinda uchta gol urilgan. Uning dastlabkisini Nosir Otaqo'ziev mehmonlar darvozasiga urgan. Bunga ikkinchi bo'lim boshida Diyor Turopov o'z goli bilan javob bergandi. Uchrashuvdagi so'nggi golni “Neftchi” hujumchisi Ro'zimboy Ahmedov “Olmaliq” darvozasiga urgandi – 2:1.

Olmaliqda o'tgan barcha uchrashuvlar:
25.05.2013 Olmaliq - Neftchi 3:1
15.03.2012 Olmaliq - Neftchi 0:0
05.03.2011 Olmaliq - Neftchi 2:1
26.10.2010 Olmaliq - Neftchi 0:1
16.04.2009 Olmaliq - Neftchi 1:0
25.06.2008 Olmaliq - Neftchi 0:0

O'zaro o'yinlar haqida fakt: Olmaliqda bu jamoalar o'rtasidagi uchta o'yinda Igor SHkvirin shogirdlari g'alaba qozonishgan. Farg'onaliklar faqat bir marta ushbu jamoa maydonidan g'alaba bilan vodiyga qaytishgan. Qolgan ikki bahsda g'olibni aniqlashning imkoni bo'lmagan. So'nggi uch yilda “Neftchi” Olmaliqda g'alaba qozona olmagan.