PREVYU. NAVBAHOR - BUXORO

Navbahor (Namangan) – Buxoro (Buxoro)
10 avgust. Namangan. “Barkamol avlod” stadioni
Hakamlar: H. Ro'ziev (Toshkent), A. Usmonov (Toshkent), T. Gaynulin (Toshkent), A. Rahimov (Andijon)
Nazoratchi: A. Arutyunov (Toshkent).

Bu ikki klubning yo'llari oliy liga o'yinlarida 43 bor kesishgan. Ustunlik “Navbahor” tomonida. 43 o'yindan 22tasida vodiyliklarning qo'li baland kelgan bo'lsa, 14ta uchrashuvda “Buxoro” g'olib bo'lgan. Yana 7 uchrashuvda g'olib aniqlanmagan. To'plar nisbati ham “lochinlar” foydasiga. Namanganliklar shu kunga qadar o'zaro o'yinlarda 79ta to'p kiritib o'z darvozalaridan 50 marta to'p olib chiqishgan. O'zaro o'ynlarda “Navbahor” 73 ochkoni, “Buxoro” esa 49 ochkoni qo'lga kiritgan.

“Navbahor” oliy ligada “Buxoro” ustidan 6:1 hisobida g'alaba qozongan. Bu o'zaro o'yinlardagi namanganliklarning eng yirik g'alabasidir. “Buxoro”ning o'zaro o'yinlardagi “Navbahor” ustidan erishgan eng yirik g'alabasi 3:0 bo'lib turibdi.

Dastlabki davrada Vobkentda tashkil etilgan bahsda mehmonlar zafar quchishgan. Elyor Jahonov birinchi bo'limda, Baxtiyor Yoqubov esa ikkinchi bo'limda “Buxoro” darvozasiga gol urishgan – 0:2.

“Navbahor” maydonida o'tgan so'nggi besh uchrashuv:
14.09.2013 Navbahor - Buxoro 2:3
28.04.2012 Navbahor - Buxoro 1:1
10.06.2011 Navbahor - Buxoro 1:0
23.03.2009 Navbahor - Buxoro 1:1
02.11.2008 Navbahor - Buxoro 0:1

O'zaro o'yinlar haqida fakt: Vodiyda bo'lib o'tgan 21ta o'yinning 15tasida mezbonlar, 3tasida mehmonlar g'olib bo'lishgan. 3ta uchrashuvda g'olib aniqlanmagan. Oxirgi ikki o'yinda “Navbahor” o'z uyida ushbu raqibni mag'lub eta olmagan.