Prevyu. "Bunyodkor" - "Mashal"

Bunyodkor (Toshkent) – Mashal (Muborak)
Hakamlar: V. Serazetdinov (Toshkent), B. Qodirov (Buxoro), A. Qo'ldoshev (Buxoro), D. Akmalov (Toshkent).
Nazoratchi: B. Galeev (Urganch).
O'zPFL vakili: F. Magametov.

Ushbu jamoalar shu kunga qadar o'zaro 16 marta kuch sinashishgan. Natijalar “Bunyodkor”ning yaqqol ustunligini ko'rsatmoqda. “Qaldirg'ochlar” 15ta bahsda g'alaba qozonishgan. “Mashal” hisobida bitta g'alaba bor. To'plar nisbati 36-4 “Bunyodkor” foydasiga. O'zaro o'yinlarda “Bunyodkor” 45 ochoni qo'lga kiritgan bo'lsa, “Mashal”da bu ko'rsatkich hozircha 3 bo'lib turibdi.

“Bunyodkor”ning “Mashal” ustidan qozongan eng yirik g'alabasi – 5:1. “Mashal”ning yagona g'alabasi 3:2ga teng.

O'tgan mavsum Toshkentdagi bahsda Sardor Rashidov, Timur Ayupov, Sardor Sobirxo'jaev va SHaker Zuagining urgan gollari “qaldirg'ochlar”ga yirik g'alabani taqdim etgandi. Muborakda esa “Mashal” tarixiy g'alabaga erishgandi. SHaker Zuagi hisobni ochgandi. Bunga Mikita Bukatkin javob bergandi. Taym so'nggida Eldor SHomurodov sobiq klubi darvozasini ishg'ol qilib “Bunyodkor”ni oldinga olib chiqqandi. Siroj Hamroev va Zafar To'raevning gollari Muborak klubiga 3:2 hisobidagi g'alabani keltirgandi – 3:2.

Toshkentda o'tgan oxirgi besh uchrashuv:
15.05.2015 Bunyodkor - Mashal 4:0
10.08.2014 Bunyodkor - Mashal 5:1
15.03.2012 Bunyodkor - Mashal 1:0
05.11.2011 Bunyodkor - Mashal 2:0
05.06.2010 Bunyodkor - Mashal 3:0

O'zaro o'yinlar haqida fakt: Toshkentdagi o'yinlarda “qaldirg'ochlar” 22 marta gol urishgan va barcha o'yinlarda g'alaba qozonishgan. Muborak klubi bu jamoa darvozasiga safarda faqat bitta gol urgan.