PREVYU. BUNYODKOR - MASH'AL

Bunyodkor (Toshkent) – Mashal (Muborak)
10 avgust. Toshkent. “Jar” stadioni. 19:00
Hakamlar: A. Asimov (Toshkent), T. Galeev (Toshkent), A. Po'latov (Toshkent), D. Karimov (Toshkent)
Nazoratchi: A. Hotamov (Toshkent)

Ushbu jamoalar shu kunga qadar o'zaro 13 marta kuch sinashishgan. Natijalar “Bunyodkor”ning yaqqol ustunligini ko'rsatmoqda. “Qaldirg'ochlar” 13 bahsning barchasida g'alaba qozonishgan. Bundan tashqari “Mashal” oliy ligada hali “Bunyodkor” darvozasini ishg'ol qila olmagan. To'plar nisbati 25-0 “Bunyodkor” foydasiga. O'zaro o'yinlarda “Bunyodkor” 39 ochoni qo'lga kiritgan bo'lsa, “Mashal”da bu ko'rsatkich hozircha 0 bo'lib turibdi.

“Bunyodkor”ning “Mashal” ustidan qozongan eng yirik g'alabasi – 3:0. “Mashal” hisobida g'alaba umuman yo'qligi haqida aytib o'tdik.

2-turda Muborakda bo'lib o'tgan bahsda “qaldirg'ocholar” ikki to'p farqi bilan zafar quchishgan. Dilshod Jo'raev hisobni ochgan bo'lsa, bahs so'nggida Vohid SHodiev yakuniy natijani o'rnatgan – 0:2.

Toshkentda o'tgan barcha uchrashuvlar:
15.03.2012 Bunyodkor - Mashal 1:0
05.11.2011 Bunyodkor - Mashal 2:0
05.06.2010 Bunyodkor - Mashal 3:0
12.04.2009 Bunyodkor - Mashal 3:0
26.06.2008 Bunyodkor - Mashal 2:0
10.11.2007 Bunyodkor - Mashal 2:0

O'zaro o'yinlar haqida fakt: “Mashal” ushbu raqib darvozasiga gol ura olmagani haqida xabar berdik. Toshkentdagi o'yinlarda “qaldirg'ochlar” 13 marta gol urishgan va barcha o'yinlarda g'alaba qozonishgan.