Pirlo: "Yuventus" ketma-ket 10-marta skudettoni yutishni va CHempionlar Ligasi finaliga chiqishni xohlamoqda"

“Biz g'ayrat bilan tayyorgarlikni boshladik. Bir necha kun ichida ko'plab futbolchilar o'z terma jamoalariga ketishgani achinarli, ammo bizning ishimiz davom etmoqda. "Yuventus"da o'zimni tezda erkin his qila boshladim, chunki bu erda ishlaydigan deyarli barchani allaqachon tanir edim. Bu menga katta yordam berdi.

Maydonda bor kuchimiz bilan harakat qilamiz. Biz "Yuventus" ketma-ket o'ninchi skudettoni yutishini va CHempionlar Ligasi finaliga chiqishini istaymiz", – deya Pirloning so'zlarini keltirgan juvefc.com. 

"Yuventus" o'tgan mavsumda ketma-ket 9-marta Italiya chempionligini qo'lga kiritdi. SHuningdek, CHempionlar Ligasi turnirining 1/8 finalida "Lion"ga mag'lub bo'lib, to'xtashga majbur bo'ldi.