Penalti bormidi? Sobirjonovning o'zi javob berdi

— O'tgan yilgi finalchiga qarshi o'ynash qiyin bo'lmadimi?

— Zo'r o'yin, maydonni har bir qarichida kurash bo'ldi. Muxlislar ajoyib atmosfera yaratib berishdi. Taktik jihatdan to'g'ri harakatlandik. SHu tufayli to'pni "Paxtakor" nazorat qilsa ham, golli vaziyatlarni biz ko'proq yaratdik. Yirik hisob qayd etilishi ham mumkin edi.

— "Navbahor" 17-turdagi o'yinga nisbatan yaxshiroq ko'rindi. Bu holatni nima bilan izohlaysiz?

— To'g'ri, oldingi o'yinimizda bir qancha xatolarga yo'l qo'ygandik. CHorak finalga tayyorlanish asnosida murabbiylar o'sha bahsni tahlil qilib, barchasini o'zimizga tushuntirishdi. Kechagi bahsda yigitlar ham 2 hissa kuch sarflaganini aytish kerak.

— G'alabada muxlislarning o'rni qanchalik ahamiyatli? O'yinning Namanganda o'tkazilishi ham raqibga qiyinchilik tug'dirdimi?

— Albatta, jamoa muxlislarining hissasi ham juda katta. Guvohi bo'ldingiz, butun o'yin davomida raqibga bosim o'tkazishdi. "Paxtakor" futbolchilarida shuning hisobiga bazi vaziyatlarda xato yuz berdi. SHu tomondan qarasak, Namanganda o'ynash istalgan jamoa uchun qiyin.

— 2-penalti sizga nisbatan ishlatilgan foldan keyin belgilandi. O'yin o'tib ketdi. Rostini ayting, Aliboev to'pga ulgurmadimi?

— Video orqa tomondan olingani va kadr sifati pastligi tufayli aniq ko'rinmagan bo'lishi mumkin. Lekin raqib "podkat" tashlayotgan paytda men vaziyatni his qilib, to'pni yopishga ulgurgandim. Zarba chap oyog'imga bo'ldi va yiqilish jarayonida koptokni men tepib yubordim.

Faxriddin suhbatlashdi