"Paxtakor" - "Navbahor" o'yiniga keling va avtomobil yutib oling

20 may, seshanba kuni oliy ligada 9-tur uchrashuvlari bo'lib o'tadi. "Paxtakor" unda Namanganning "Navbahor" jamoasi bilan Toshkentda maydonga tushadi. "Paxtakor" futbol klubi o'yinga tashrif buyuradigan muxlislar uchun ajoyib sovg'a hozirlagan.

"Paxtakor" - "Navbahor" bahsiga tashrif buyurib, "Sog'lom bola yili"ga bag'ishlangan "Omadli muxlis" ijtimoiy akciyasida ishtirok etish va asosiy esdalik sovg'a sifatida avtomobil yutib olish imkoniyatiga ega bo'lasiz.

SHuningdek, futbol to'plari, sport kostyumlari, jamoa liboslari, klub tarixi haqidagi kitoblar va "Fitness House" sog'lomlashtirish majmuasiga abonementlar ham o'z egalarini topadi. CHiptalarni xarid qilish bilan "Omadli muxlis" ijtimoiy akciyasi ishtirokchisiga aylanasiz. CHiptalarni "Paxtakor" Markaziy stadioni kassalaridan xarid qilasiz. CHipta narxi 5000 so'm.

"Paxtakor" - "Navbahor" uchrashuvi 20 may, seshanba kuni "Paxtakor" Markaziy stadionida soat 19:00da boshlanadi. Muxlislarni stadionga chorlab qolamiz. "Paxtakor"ni qo'llab-quvvatlang va sovg'alar yutib oling!