O'zbekiston terma jamoasi Toshkentda yig'inni boshladi

Namangandagi "Navruz Cup-2022" musobaqasiga tayyorgarlik "Lokomotiv" stadionida boshlandi. Bugungi mashg'ulotlarga yig'inga chaqirilgan futbolchilardan faqat Eldor SHomurodov va Dostonbek Hamdamov ishtirok etishmadi. Ular bugun tunda Toshkentga uchib kelishadi.

Terma jamoa azolari ertaga, 22 mart kuni ham Toshkentda mashg'ulot o'tkazishadi va 23 mart kuni tongda Namangan shahriga yo'l oladi.

O'zbekiston MTJning "Navruz Cup-2022" uchun tarkibi:

Darvozabonlar: Valijon Rahimov (AGMK), O'tkir Yusupov ("Navbahor"), Umidjon Ergashev ("Nasaf");

Himoyachilar: Farrux Sayfiev ("Paxtakor"), Umarbek Eshmurodov ("Nasaf"), Hojiakbar Alijonov ("Paxtakor"), Dilshod Saitov ("Nasaf"), Rustam Ashurmatov ("Navbahor"), SHerzod Nasrullaev ("Nasaf"), Islomjon Qobilov ("Lokomotiv"), Abdulla Abdullaev (AGMK), Husniddin Aliqulov ("Nasaf");

Yarim himoyachilar: Odiljon Hamrobekov ("Paxtakor"), Aziz Turg'unboev ("Paxtakor"), Otabek SHukurov ("SHarja", BAA), Hojimat Erkinov ("Paxtakor"), Dostonbek Hamdamov ("Al Sailiya", Qatar), Oybek Bozorov ("Nasaf"), Jaloliddin Masharipov ("Al Nasr", Saudiya Arabistoni), Javohir Siddiqov ("Qo'qon-1912"), Sardor Sobirxo'jaev ("Paxtakor");

Hujumchilar: Igor Sergeev ("Tobol", Qozog'iston), SHahzod Temirov ("Persipolis", Eron), Azizbek Amonov ("Istiqlol", Eron), Eldor SHomurodov ("Roma", Italiya).