O'zbekiston terma jamoasi sobiq himoyachisi: "Jahon chempionatiga chiqishimizga ishonyapman. Bundan yaxshi imkoniyat bo'lmaydi"

 JCH-2026 saralash bosqichining hal qiluvchi raundida ishtirokini boshlaydigan vakillarimizning imkoniyatlari yuqori baholanmoqda. O'zbekiston terma jamoasi sobiq himoyachisi Baxtiyor Ashurmatov bo'lajak saralash bahslari oldidan o'z fikrlarini bildirdi. 

Uzbekistan Jaloliddin Masharipov - 20'

World Cup Qualification AFC 3rd Round Grp. A . 1-tur 05/09/2024, 19:00 0 : 1 Tugadi

North Korea

Stadion: 24205 tomoshabin

45'

90'

20'  Jaloliddin Masharipov

60'  Oston Urunov (Abbosbek Fayzullayev)

71'  Otabek Shukurov (Abdulla Abdullaev)

71'  Khoziakbar Alidzhanov (Farrukh Sayfiev)

87'  Jaloliddin Masharipov (Akmal Mozgovoy)

87'  Eldor Shomurodov (Bobur Abdikhalikov)

40'  Kuk-Chol Kang II

46'  Kuk-Jin Kim (Jo-Guk Ri)

72'  Il-Song Ri (Ju-Song Choe)

81'  Chung-Song Paek (Il-Gwan Jong)

87'  Pom-Hyok Kim (Hun Ri)

Match-senterda ochish

— O'zbekiston terma jamoasining bu safargi saralashdagi imkoniyatlarini yuqori baholayman. Bunga bir nechta sabablarni keltirishim mumkin. Birinchisi Srechko Katanecda tayyorgarlik uchun etarlicha vaqt bo'ldi. Bir necha yildan buyon shu jamoada ishlab kelmoqda. O'ylaymanki, o'yin uslubini yaxshi singdira oldi. Uning qo'l ostida sinalgan va raqobatbardosh tarkib bor. Ikkinchi omil, kvotaning ko'paygani. Saralash o'yinlarida g'olib chiqish uchun bundan yaxshi imkoniyat bo'lmaydi. Jahon chempionatiga chiqish masalasini shu bosqichdayoq hal qilishimiz kerak. Guruhimizda raqiblar boshqa kvartetlar bilan solishtirganda nisbatan yaxshiroq. Yani Osiyo grandlari Yaponiya va boshqalar guruhimizda emas. Yana bir sabab hozirgi kunga kelib ko'plab futbolchilarimiz legioner sifatida to'p tepmoqda. Ular etarli darajada mahoratga ega bo'lishdi. Futbolchilarimiz har qanday tempdagi o'yinlarga tayyor. 

— O'ylaymanki, ustunligimiz murabbiyga shuncha vaqt va imkoniyat berilganida. Bugunga kelib tarkibimiz barqarorlashgan. Avvallari Osiyo kubogi, saralash boshlarida murabbiy almashardi. Yangidan jamoa tuzishga to'g'ri kelardi. Katanec o'zi ishongan va bilgan futbolchilardan tarkibni shakllantira oldi. Barqarorlik, futbolchilarning mahorati yuqori natijalarga erishishiga turtki bo'ladi. Oldingi yillarga nisbatan hozir ko'proq imkoniyatga egamiz. To'g'ri, Osiyo kubogida mag'lubiyatlar bo'ldi. Lekin xatolardan xulosa chiqarildi deb o'ylayman. Himoyadan hujumga qanday o'tish kerak, qarshi hujumlarda o'ynash barchasini o'zlashtirishgan. Terma jamoamizda zichlik yuzaga keldi. Himoyada o'ynashni yoqtirmaydigan futbolchilarimiz ham buni yaxshi tushunib olishdi.  

— Odatda har doim Jahon chempionati saralashlari startida havotir bo'lardi. Lekin murabbiy sifatida bu gal xotirjamroqman. Havotir o'rnini ishonch egallab olgan. Bu terma jamoa oldiga qo'ygan maqsadga erisha oladi. Saralash bosqichini ikkita g'alaba bilan boshlab olish katta ishonch beradi. To'g'ri, BAA, Eron kabi raqiblar bor. Qatar katta o'sishga erishdi. Men to'g'ridan-to'g'ri Jahon chempionatiga chiqishimizga ishonyapman. O'zbekiston har taraflama tayyor deb o'ylayman. Terma jamoada yig'ilgan futbolchilar muxlislarni xursand qila olishadi. Bu yo'lda ularga omad tilayman. Ko'pchincha bizda himoyada muammo bo'lardi. Abduqodir Husanov, Rustam Ashurmatov, Husniddin Aliqulov, Umar Eshmurodov yaxshi saviyada to'p tepyapti. 

— Havotirli poziciya hujum bo'lib turibdi, bunda raqobat yo'qligi biroz bezovta qiladi. Eldor SHomurodov yaxshi holatda va yuqori sport formasida bo'lishiga umid bildiraman. Qolaversa, Bobir Abdixoliqov ham munosib sport formaga kirib bormoqda. Bu hujumdagi muammoni bartaraf qilishi mumkin. Yigitlarimizni doim duo qilib turamiz va qo'llab-quvvatlaymiz