O'zbekiston - Falastin o'yinini boshqarib boradigan hakamlar malum

OK-2015ga tayyorgarlik ko'rayotgan O'zbekiston milly terma jamoasi ayni damda BAAning Dubay shahrida o'zining navbatdagi yig'inini o'tkazayotganidan xabaringiz bor. Mirjalol Qosimov boshchiligidagi terma jamoa mazkur yig'in doirasida 13 dekabr kuni Dubay shahrida Falastin terma jamoasiga qarshi o'rtoqlik uchrashuvida maydonga tushadi. Ushbu uchrashuvni esa Muhammad Al Zaruniy boshchiligidagi BAAlik hakamlar brigadasi boshqarib boradigan bo'ldi.

Eslatib o'tamiz, O'zbekiston terma jamoasi OK-2015ga tayyorgarlikni ikki bosqichda olib boradi. Rejaga ko'ra, ilk yig'in Dubay shahrida 14 dekabr kunigacha davom etadi. BAAdagi ikkinchi yig'in esa 17-28 dekabr kunlari bo'lib o'tadi. Mazkur yig'in davomida milliy terma jamoa Falastindan tashqari Iordaniya (20 dekabr) va Iroq (25 va 28 dekabr) terma jamoalariga qarshi o'rtoqlik uchrashuvlarini o'tkazadi.

O'rtoqlik uchrashuvi.
13 dekabr. Dubay, BAA.
O'zbekiston - Falastin
Bosh hakam: Muhammad Al Zaruniy (BAA)
Laynsmenlar: Ali Al Jasim Abdulla, Ahmad Al Rashadi (ikkisi ham BAA)
Zaxira hakami: Abdulla Alzaabi (BAA)