Osiyo o'yinlarini o'zbek kanallari namoyish etadimi?

Saytimiz o'quvchilaridan futbol bo'yicha O'zbekiston olimpiya terma jamoasining o'yinini va umuman Osiyo o'yinlaridagi boshqa sport turlari bo'yicha bahslar O'zbekiston hududida namoyish etiladimi degan savol kelib tushmoqda. 

Bu savolga SPORT telekanali xodimidan javob olishga harakat qildik. 

"SPORT telekanali Osiyo o'yinlari musobaqasini namoyish etish huquqini qo'lga kiritish uchun ariza yuborgan. O'zbekiston - Bangladesh o'yini boshlanishiga oz qolganida bizga javob xati keldi. Ushbu xatda ayni paytda O'zbekistondan ikkita kanaldan bir xil taklif borligi va bu masala hozircha ochiq turgani haqida yozilgan. SHu boisdan ham O'zbekiston - Bangladesh uchrashuvini namoyish eta olmadik, bunga O'zbekistonning hech bir kanalida huquq yo'q edi. SPORT telekanali hech bo'lmasa faqat futbol musobaqasini namoyish etish huquqini ham sotib olmoqchi bo'ldi, biroq bunga ham rad javobi keldi. Ular Osiyo o'yinlarini to'liq sotishmoqchi. Ikkita variantdan qaysi biri tanlansa o'sha telekanal Osiyo o'yinlarini namoyish etadi. Hozircha kutayapmiz. Huquqimiz bo'lganida o'yinlarni xalqimizga namoyish etganimiz o'zimizga ham yaxshi emasmidi?", - deydi SPORT telekanali xodimi.