"Oq-tepa": "Qo'qon-1912" irodali tarzda mag'lub etildi

Turning markaziy uchrashuvi “Oq-tepa” stadionida bo'lib o'tdi. Turnir peshqadami “Qo'qon-1912”ni qabul qilgan jamoamiz irodali g'alabaga erishib, birinchi o'ringa ko'tarilib oldi. Bellashuvda hisobni mehmonlar ochishdi. Himoyachilarning xatosidan unumli foydalangan Umidjon Qodirov 59-daqiqada mehmonlarni hisobda oldinga olib chiqdi – 0:1. Golga qadar ham, goldan so'ng ham bosimni pasaytirmagan futbolchilarimiz yakunda mag'lubiyatni g'alabaga aylantira olishdi. Zaxiradan maydonga tushgan Sergey Rekun 73-daqiqada hisobni tenglashtirdi – 1:1. Bellashuvning so'nggi daqiqasida chap qanotdan jarima maydoni ichiga kirib borgan Nikita Pavlenko Baklanovning to'qqizligini nishonga olib, uchrashuvga nuqta qo'ydi – 2:1. Qolganiga mehmonlarning kuchi etmadi. SHu tariqa jamoamiz turnir peshqadamiga aylanib oldi.

O'zbekiston Birinchiligi. 9-tur
“OQ-TEPA” – “QO'QON-1912” – 2:1 (0:0)
15 may. Toshkent. “Oq-tepa” stadioni.
Bosh hakam: Vadim Agishev (Toshkent).
Qanot hakamlari: Akbar Po'latov (Toshkent), Ravshan Mahmudov (Toshkent viloyati).
Zaxira hakami: Anatoliy Rubakov (Toshkent).
Nazoratchi: SHamil Jumaev (Qarshi).
“Oq-tepa”: Asilbek Omonov, Doniyor Usmonov, Temur Turdiev, Nodir Teshaboev, Alisher SHog'ulomov (SHohruh Pirnazarov, 90+3), Nikita Pavlenko, Xurshid Yo'ldoshev Nabijonovich, Xurshid Yo'ldoshev Xurramovich (Sergey Rekun, 51), Zafar Qoraqulov, Saidjon Topilov, Sergey Proxorov.
“Qo'qon-1912”: Andrey Baklanov, Aziz Madaliev, Xurshid Uzoqboev, Bahodir Akramov, Nodir Qo'ziboev (Otabek Haydarov, 64), Abdullajon Mirzaev, Umidjon Qodirov, Maruf Zokirjonov, Aziz To'xtaboev (Rahmatullo Meliboev, 90), Rustam Ashurmatov, Jalil Kimsanov.
Gollar: Umidjon Qodirov, 59 – 0:1. Sergey Rekun, 73 – 1:1. Nikita Pavlenko, 90 – 2:1.
Ogohlantirishlar: Jalil Kimsanov, 28. Temur Turdiev, 38. Xurshid Uzoqboev, 41. Doniyor Usmonov, 85. Nodir Teshaboev, 87.
CHetlatish: Xurshid Uzoqboev, 81.