"Olmaliq" Antaliya yig'inini g'alaba bilan tugatdi

Jamoaga bu gal Norvegiya 2-divizioni vakili "Orn-Xorten" jamoasi raqib bo'ldi. Uchrashuv 2:0 hisobida jamoamiz g'alabasi bilan yakun topdi. 45-daqiqada Adrian Kashkaval, 67-daqiqada Zohir Pirimov raqib darvozasini ishg'ol etdi. Birinchi taymda hakam qaroriga etiroz bildirgan Evgeniy Gogol qizil kartochka bilan jazolandi. Kelishuvga ko'ra uning o'rnini Adrian Kashkaval to'ldirdi.

Uchrashuvda "Olmaliq" quyidagi tarkib bilan ishtirok etdi.

"Olmaliq": Nikita SHkvirin, Islom Inomov, Evgeniy Gogol (Adrian Kashkaval, 23), Sarvar Jo'raev, Abduqahhor Hojiakbarov, Jahongir Abdumo'minov (Doniyor Ismoilov, 75), Salamat Qutiboev, Azamat Isroilov (Zohir Pirimov, 46), Kamoliddin Murzoev (Arslonmurod Omonov, 65), Muhammad Isaev (Nikita Pavlenko, 46), Nemanya Yovanovich (Islom Isoqjonov, 69).

Biroz betobligi sabab, SHavkat Salomov, Diyor Turopov va G'ulom O'runovlar bu bahsda ishtirok etishmadi.

Antaliyada 15 fevraldan boshlangan o'quv-mashg'ulot yig'ini davomida "Olmaliq"  6 uchrashuv o'tkazdi. 3 g'alaba, 2 durang va 1 mag'lubiyat. To'plar nisbati - 8:6. Jamoamiz azolari ertaga yurtimizga qaytishadi. Jamoa 3 martdan Olmaliq shahrida to'planadi va chempionatga tayyorgarlikni davom ettiradi.