OFK sayti Alim Arifovni O'FF vice-prezidenti deb yozdi

Xabarning qisqacha talqini quyidagicha. OFK rahbari SHayx Salmon yaqinda Markaziy Osiyo futboli rahbarlari va vakillari bilan uchrashib bazi masalalarni muhokama qilib oldi. Uchrashuv davomida bir qator masalalar ko'rib chiqildi. OFK prezidenti yig'ilish davomida Osiyo futboli rivojlanishning to'g'ri yo'lidan ketayotganini takidladi.

Xabar oxirida esa yig'ilishda kimlar qatnashgani keltirilgan. Bular Eron FF prezidenti Ali Kafashian, Afg'oniston FF prezidenti Karim Keramuddin, Qirg'iziston FF prezidenti Semetey Sultanov, O'zbekiston FF vice-prezidenti Alim Arifov va Tojikiston FF vice-prezidenti Xurshid Murzoev.

Malumki, O'FF vice-prezidenti lavozimida mana bir necha yildirki Sardor Rahmatullaev ishlab kelyapti. Alim Arifov esa xalqaro bo'limda faoliyat olib boradi va OFK o'yinlarida komissarlik qiladi. Ehtimol, OFKdagi hamkasblarimiz ko'proq Alim bilan muloqotda bo'lishgani uchun uni vice-prezident deb o'ylashgan bo'lsa kerak. Agar O'FFda vice-prezident o'zgargan bo'lganida bundan albatta xabar topgan bo'lardik, lekin hozircha bu haqda hech qanday gapni eshitmadik.

Xayrulla Xoliqov.