Odil Ahmedov: O'zbekiston termasi safida eng tezkor golni urganimni aytishdi

O'zbekiston terma jamoasi ikkala o'yinda ham g'olib bo'ldi, Krasnodar futbolchisi esa mamlakat rekordini qayd etdi.

- Odil, endi O'zbekistan terma jamoasi sardorisiz. Yangi statusni qanday qabul qildingiz?
- Oldin men vice-sardor edim, yangi murabbiy sardorlik uchun so'rov o'tkazishga qaror qildi. Yigitlar menga ovoz berishdi, bu bilan menga ishonch bildirishdi. Ularning ishonchini oqlashga urinaman.

- Filippinga qarshi bahsda 1-daqiqadayoq gol urdingiz. Faoliyatingiz davomida bunchalik tez gol urganmidingiz?
- Yo'q, bu birinchisi. Ilk soniyalardanoq raqibga nisbatan pressing qildik, to'pni olib qo'ydik, menga to'p kelgach tepishga qaror qildim. Darvozabon esa bunga tayyor emas ekan. O'yindan so'ng menga O'zbekiston terma jamoasi tarixidagi eng tezkor golni urganimni aytishdi.

- 3ta o'yindan so'ng O'zbekiston o'z guruhida ikkinchi o'rinda bormoqda. Jamoa bundan ham ko'prog'ini istayaptimi?
- Albatta, biz birinchi bo'lishni xohlaymiz – maqsadimiz shunday. Birinchi o'rin keyingi bosqich yo'llanmasini taqdim etadi. Hozir biz KXDRdan 3 ochko orqadamiz, bu raqibni Toshkentda qabul qilamiz. O'sha o'yinda g'alaba qozonishga urinamiz. Bundan tashqari ular boshqa raqiblar bilan o'yinlarda ochko yo'qotishlari mumkin. Asosiysi, o'zimiz ochko yo'qotmasligimiz kerak.