Nikola Lazarevich: Vaziyatlardan unumli foydalanib, muhim g'alabani qo'lga kiritdik

- Shiddatli va murosasiz bellashuv uchun raqibmiz «Surxon»ga minnatdorchilik bildiraman. Yangi mavsumga qura tashlangandayoq raqibimizning o'yinini o'rgana boshladik. «Surxon» ham biz singari Turkiyada o'quv-mashg'ulot yig'inini o'tkazdi va yig'in davomida yuqori saviyadagi jamoalar bilan nazorat uchrashuvlarini o'tkazdi. Raqib yaxshi shakllangan, tarkibning asosiy qismi bir necha yillardan buyon bir jamoa sifatida to'p tepib kelmoqda. Ular maydonda bir-birlarini juda yaxshi tushunishadi. Bizda esa bu yil tarkibning o'zagi qaytadan shakllantirildi. Shu sabab og'ir uchrashuv bo'lishini bilardik. Tayyorgarlikni shunga mos ravishda olib bordik. O'yinda tashabbusni o'z qo'limizda saqlab turishga intildik. Gol urilgach raqibning hujumlarini bartaraf etib, qarshi hujumda o'z imkoniyatlarimizdan samarali foydalanishni istagandik. Amalda bu rejamiz ish berdi. Shu sababli yana gol urib, g'alabani o'zimiz tomonga og'dirib oldik. Umuman olganda o'yinda har ikkala jamoada gol urish uchun imkoniyatlar bo'ldi. Faqat biz bu imkoniyatdan foydalandik. Bugungi o'yin tarixga aylandi. Ertadan keyingi raqibga qarshi tayyorgarlikni boshlaymiz. Xatolarimizni ko'rib chiqib, tahlil qilamiz.

- O'yin oxirlarida maydonda ikkita nominal hujumchi Papariga va Lobjanidze harakat qila boshladi. Jamoa o'yinni bitta asosiy hujumchi bilan boshlagandi. Ikki hujumchini o'ynatishdan maqsad nima edi?

- Lobjanidze maydonga tushgach, Papariga hujumkor yarim himoyachi pozisiyasiga o'tdi. Taktik rejamizga biroz o'zgartirish kiritishga qaror qilgandik.