Navro'zbek Haipov: "Haqiqatdan ham aprel oyi biz uchun omadli keldi"

Negaki bu futbolchi 6ta o'yinda 3ta gol urib jamoasining bir necha bor muvaffaqiyat qozonishiga sabab bo'ldi. SHu bois "SA" talqiniga ko'ra, Haipov aprel oyining eng yaxshi futbolichilaridan bir bo'ldi. SHuni ham qo'shimcha qilib o'tish kerakki, 1990 yil Nukusda tavallud topgan Haipov ilgari "Neftchi" o'rinbosarlar jamoasida ham o'ynagan. 

- championat.asia saytining doimiy o'quvchisiman. Aprel oyining eng yaxshi futbolchilari qatoridan joy olganim haqida saytda o'qib xursand bo'ldim, - deya gap boshladi Haipov.

- Haqiqatdan ham aprel oyi men va jamoam uchun omadli kechdi. CHunki biz avvalgi yillarga nisbatan bu yil chempionatni juda ham omadli boshladik. Ijobiy natijalardan so'ng, o'z-o'zidan turnir javalida ham yuqori o'rinlardan joy egallab turibmiz.

- Nasib qilsa kelasi uchrashuvlarda ham muxlislarimizni quvontirishga harakat qilamiz.

- Murabbiyimiz meni bu yil yarim himoyaning chap qanotida sinab ko'rmoqda. Urgan gollarimga keladigan bo'lsak, bunda jamoadoshlarimning ajoyib to'p uzatishlari va ularning qo'llab-quvvatlashlarini alohida takidlagan bo'lardim.

Islombek Rustambekov suhbatlashdi.