Murod Ismoilov: "Agar hakamlar xato qilishsa qo'mitaning o'zi jazo tayinlaydi"

"Paxtakor" va "Neftchi" azaliy raqiblar hisoblanishadi. Bugun ham murosasiz o'yin guvohi bo'ldik. Bugun "Paxtakor"ga qarshi yaxshi tayyorgarlik ko'rib kelgandik, - deb gap boshladi Ismoilov. 

Raqib birinchi o'rinda ketmoqda, shu bois ham biz birinchi bo'limda himoyaviy taktikada o'ynadik. "SHerlar"ni g'alaba bilan tabriklayman.

Sardor Mirzaev yiqilgan vaziyatda men hech nima deya olmayman. Hakamlarni kuzatib boradigan qo'mita bor, agar xato qilingan bo'lsa aynan ular jazo berishadi.

Men ushbu klubda ishlaganimda aksariyat futbolchilar endi-endi shakllanib borishayotgandi. Hozir esa ular xalqona aytganda pishib etilishdi deya olaman. O'tgan yilga qaraganda xatolar ancha kamaygani ko'rinib turibdi.

Ikkinchi davra oldidan SHukur Po'latovni ololmadik xolos. Qolgan barcha istagan futbolchilarni qo'lga kiritdik.

Yangi stadionimizda menimcha bu yil o'ynamasak kerak. Sababi chim yomon bo'lib ketishi mumkin. Ammo bu borada aniq malumot menda yo'q.

Fyodorov ham, Lebedev ham, Evstafeev ham menga qimmatli maslahatlar berib borishmoqda. Ular bilan ishlash men uchun ham maqul kelmoqda, - deydi Murod Ismoilov.