Mirko Elichich: "Superliganing bazi jamoalari ko'rsatayotgan futbol sifatidan qoniqmayapman"

Biroz avval yakuniga etgan Muborakdagi o'yinda "Mashal" jamoasi "Olimpik"ni 2:1 hisobida mag'lubiyatga uchratdi.

Bellashuvdan keyin toshkentliklar ustozi Mirko Elichich matbuot anjumanida ishtirok etdi.

"Futbol sifati tomonlama yaxshi o'yin bo'ldi. Bugun tarkibda o'zgarishlarga qo'l urdik va nisbatan kamroq o'yin amaliyotiga ega bo'layotgan yigitlarga imkon berdik. Birinchi bo'limni yaxshi o'tkazdik. "Mashal" ikkinchi bo'limda o'zgarishlardan keyin o'yinini kuchaytirdi, biz esa aynan ikkinchi 45 daqiqalikni boy berib qo'ydik. Umumiy olganda shogirdlarim ko'rsatgan o'yin yoqdi", - deya fikrini bildirdi mutaxassis.

- Bahrom Vafoev nomidagi stadionning maysasi haqida fikringiz?

- Bu maydonda bemalol futbol o'ynash mumkin, lekin Superligada o'ynash uchun bundan ham yaxshiroq holatga keltirsa bo'ladi. Bu borada Asror (Aliqulov) bilan ham gaplashdim, unga ham maydon yaxshi holatda bo'lgani maqul. Yaxshi maydonda sifatli futbol o'ynash mumkin. 

- Bu yil kubok bahslari kutilmagan natijalarga boy bo'lyapti. Masalan, amaldagi kubok sohibi "Andijon" va undan oldingi kubok g'olibi "Nasaf" guruhda qolib ketdi. Birinchi liga klublari Superliga vakillari bilan tengma-teng o'yin ko'rsatishyapti va g'alaba ham qozonishyapti. Bu o'zbek futbolining rivojlanayotganidanmi?

- Joriy mavsum Superliga o'yinlarini kuzatyapman va bazi jamoalar ko'rsatayotgan futbol sifatidan shaxsan o'zim uncha qoniqmayapman. O'zbekistonda akademiyalar jamoalariga etibor berila boshlandi va bu asta-sekin o'z so'zini aytadi, yosh o'yinchilar futbol o'ynashni o'rganib borishmoqda. O'zbek futboli to'g'ri yo'lda va bu o'z samarasini beradi.