Mirjalol Qosimov: "Ishlamagan odam xato qilmaydi"

Mirjalol Qosimov: "Qo'rqqanimiz sodir bo'ldi. Uchchala gol qarshi hujum orqali sodir bo'ldi. Ayb o'zimizda. Qolaversa, katta tanaffuslardan so'ng qaytish qiyin bo'ladi. Jismoniy tayyorgarlikda muammolar bor. "Surxon"ni tabriklaymiz va xatolardan xulosa chiqarib, keyingi o'yinga tayyorgarlik ko'ramiz".

- Murabbiy sifatida o'sishdan to'xtab qolgandeksiz. Bazilar jamoani, muhitni o'zgartirib, faoliyatida burilishlar amalga oshiradi.

- Oldinda qiladigan ishlarimiz juda ko'p. Bugun bizdan qanday natija kutgandingiz... Bu futbol, shunaqasi bo'lib turadi. Ishlamagan odam xato qilmaydi. Biz yaxshi natijalarga erishsak, bu haqida yozmaysizku... Hali oldimizda katta ishlar bor, Moskva ham bir kunda qurilmagan. Bu mag'lubiyat bilan bizni erga urib tashlashni keragi yo'q. Tilni suyagi yo'q.

- Olmaliq jamoasi dastlabki 20 daqiqada juda yaxshi o'ynadi, gol ham urdi, lekin raqibning golidan so'ng OKMK futbolchilari maydonda ko'rinmay qolishdi.

- Faqat bugunmas, avvalgi bahslarda ham xotirjamlikka berilganmiz. Futbolda turib yutishning iloji yo'q. Xarajat qilmasdan foyda qilishga urindik va bu qimmatga tushdi.

- Vitaliy Denisovni hurmat qilamiz, ammo u bugungi bahsda yaxshi o'yin ko'rsata olmadi.

- Fikringizga qo'shilaman, uni birinchi taymdan keyinoq almashtirmoqchi edim. Unga yana 5-10 daqiqa imkon berdim, biroq raqib o'zgarishga imkoniyat bermadi va bu juda tez sodir bo'ldi.

- Islom To'xtaxo'jaev jamoaga qay darajada moslasha oldi?

- Islom To'xtaxo'jaev va Sardor Mirzaev hali jismonan tayyor emas. Bunga vaqt kerak. Keyingi o'yinlar orqali formamizni tiklab olamiz.

- Xurshid G'iyosov so'nggi o'yinlarda passiv ko'rinyapti, uni "bonka"ga olish vaqti kelmadimi?

- SHu "bonka"ni topa olmayapman (kuladi). Hayot davom etadi. Har sohada erda yurish kerak. Futbolni yaxshi ko'rish lozim. SHunda jarohat bo'lmaydi, xatolar ham.