Milutin Sredoevich: "Musobaqadagi dastlabki maqsadimizga erishdik"

"Qiziqarli va shiddatli o'yin bo'ldi. Texnik tomonlama shakllangan yaxshi jamoaga qarshi o'ynadik. Tojikiston oson raqib emasdi. Qiyin o'yin bo'ldi. Lekin biz o'z taktikamizni o'zgartirdik va o'yinni tenglashtirdik. O'zgarishlardan keyin biroz o'yinimiz o'xshamadi, darvozabonimiz ham xato qildi. Tojikiston himoyasini yorib o'tish qiyin bo'ldi. Muhim o'yinda, muhim g'alabani qo'lga kiritdik. Ushbu terma jamoamizda turli yoshdagi futbolchilar bor. Ko'p futbolchilar U-20 terma jamoasi azolari hisoblanadi. Yoshlar o'rtasidagi Afrika Millatlar kubogida qatnashishgan, ular Uganda futboli kelajagi hisoblanadi. Ushbu yosh futbolchilar bilan birga kichik tarix yaratib, musobaqada g'alaba qozonishni xohlaymiz. Birinchi maqsadimiz finalga chiqish edi va birinchi maqsadimizga erishdik", - dedi Sredoevich.

- Afrika terma jamoalari jismoniy tomonlama kuchli o'ynaydi, ammo bugun Uganda Tojikistondan jismoniy tomonlama kuchli ko'rinmadi...

- Albatta sizning fikringizni hurmat qilgan holda shuni aytamanki bugungi o'yinga tayyorlanish uchun 48 soat vaqtimiz bor edi. Iqlim boshqa, maydon boshqacha ekan. Seshanba kuni Namanganga keldik va bugun o'yin o'tkazdik. Ko'plab muxlislar Tojikistonga tomonida bo'ldi, bu ham bahsga biroz tasir qildi deb o'ylayman. 

- Darvozabon xato qildi, lekin penaltilar seriyasida ikkita seyv qildi va jamoaga g'alaba keltirdi. U haqida qanday fikrdasiz? 

- Milliy terma jamoa darajasida futbolchilarimizda biroz tajriba etishmasligi mumkin. Bitta yoki ikkita xato qilish mumkin, agar ketma-ket xatolarga yo'l qo'yganida uni balki almashtirgan bo'lardik. 

- Bugun penaltilar seriyasiga etib borishini kutganmidingiz? Namanganga ko'p futbolchilarni olib kelibsiz, keyingi bahsdan oldin tarkibda o'zgarishlar bo'ladimi?

- O'yindan keyin bugungi bahsni o'rganib chiqamiz va xatolarni to'g'rilashga harakat qilamiz. Tojikiston FIFA reytingida ulardan ancha yuqoridamiz, ammo transfermarkt portaliga qarasangiz bizning hozirgi tarkibimiz 2, Tojikiston terma jamoasi umumiy narxi esa 7 millionga teng ekan. Uganda terma jamoasining o'rtacha yoshi ancha yosh. Iyun oyida Afrika millatlar kubogi saralashi bo'ladi va unga kuchli tarkib shakllantirishga harakat qilamiz.