Milner: “Angliyada ajoyib jamoa yig'ilgan”

Angliya o'z o'yinlarini shanbadan yakshanbaga o'tar kechasi Italiya terma jamoasiga qarshi o'yin bilan boshlaydi. Ularning guruhida yana bir etakchi jamoa, Urugvay bor. So'nggi azo esa Kosta Rika.

“Birinchi o'yin doim muhim bo'lgan. Aynan shu o'yinda keyingi bahslar uchun rux jamlanadi” – deb hisoblaydi Milner.

“Bizda ajoyib jamoa yig'ilgan. Ko'pchilik futbolchilar o'z klublari bilan ajoyib mavsum o'tkazishgan va hozir zo'r formada. Bizda yoshi katta futbolchilarning tajribasi va yoshlarning g'alabaga bo'lgan xohishi bor. O'ylashimcha, bu ikki omil jamoaga foyda beradi”.

“Albatta guruhimizga dunyodagi eng kuchli terma jamoalar yig'ilgan. Ammo men jamoamizga to'liq ishonaman, biz ko'p narsaga qodirmiz”.