Militao shartnomani uzaytiradi, uning tovon puli fantastik summa bo'ladi

Mavsum boshida tizzasidan jarohat olib, bir necha oyga safdan chiqqan Eder Militao ham klub bilan shartnomasini uzaytirishi kutilmoqda. Ispaniya matbuoti xabariga ko'ra, 2 yildan keyin shartnomasi yakunlanadigan futbolchi bilan kelishuv uzaytiriladi. Yangi shartnoma 2028 yoki 2029 yilga qadar amal qiladigan bo'ladi. Unda himoyachining tovon puli 1 mlrd evro qilib ko'rsatiladi.

"Real" so'nggi oyda Vinisius Junior, Rodrigo, Fede Valverde va Eduardo Kamavinga kabi futbolchilari bilan shartnomalarni uzaytirib oldi va bu ishlar yaqin vaqtlar ichida davom ettirilishi kutilmoqda.

Militao 2019 yili "Portu"dan "Real"ga o'tgandi. SHu vaqtdan buyon u "qirollik klubi" tarkibida 143 o'yinda maydonga tushdi.