"Menga Ruben Amorim juda yoqadi, u nimani istayotganini biladi" - Peter Shmeyxel

"Albatta, bu yoqimsiz. Asta-sekin, yildan-yilga kuchsizlanib boryapmiz. Bizda murabbiylar ko'p bo'ldi, lekin rahbariyat yo'q.

Ayniqsa, Ole [Gunnar Sulsher] uchun achindim. Agar yuqoridan madad bo'lganida, u zo'r ishlashi mumkin edi, lekin unda bunday imkoniyat yo'q edi.

Lekin menga Ruben [Amorim] juda yoqadi. Birinchi marta to'g'ri odamni ishga olganimizga ishonchim komil. U nima xohlayotganini biladi. Ajoyib muloqot qobiliyatiga ega va jasoratli. U barcha savollarga javob beradi va juda kuchli lider sifatida namoyon bo'ladi. Mana bizga nima kerak", – dedi Shmeyxel.