Melnichuk ketma-ket ikkinchi yil "Dinamo"ning eng yaxshi futbolchisi

Joriy mavsumda 23 uchrashuvda maydonga tushgan va 2054 daqiqa davomida darvoza qo'riqlagan posbonga umumiy 219 ovozdan 123 nafar ishtirokchi aynan Melnichukni tanlagan. Bu 56.2% foiz deganidir.

So'rovnoma yakuniga binoan, Dinamo to'purari Sanat SHixov ikkinchi o'rinda qayd etildi. Oliy Liga bahslarida 24 uchrashuvda 2084 daqiqa davomida to'p surib, 7 marta raqiblar darvozasini ishg'ol etgan hujumkor yarimhimoyachiga 55 ta (25.1%) ovoz berilgan.

Uchinchi o'rinda esa Dinamoga safarda Bunyodkor ustidan g'alaba keltirgan gol muallifi Azamat Bobojonov ko'rsatilgan. U bu borada 12 (5.5%) ovoz to'plagan holda hujumchi Zayniddin Tojiev va himoyachi Avaz Agalievlarni ortda qoldirgan.

Qayd etish joiz, eng yaxshi futbolchi deb topilgan Andrey Melnichuk Dinamo klubi muxlislari tomonidan ikkinchi marta esdalik sovg'a bilan taqdirlandi.

2007 yildan buyon aniqlanib kelinayotgan Dinamoning mavsumdagi eng yaxshi futbolchisi nomiga loyiq ko'rilgan futbolchilar:

2007 yil – Farhod Tojiev

2008 yil – Ilyos Qurbonov

2009 yil – Bahodir Nasimov

2010 yil – Ilhom Yunusov

2011 yil – Devid Oniya

2012 yil – Ivan Nagaev

2013 yil – Andrey Melnichuk

2014 yil – Andrey Melnichuk.