Mavsum boshlanishiga bir hafta qolgan bo'lsa-da, "Real" sobiq futbolchisi hamon o'ziga klub topa olmayapti

Evropaning top chempionatlarida mavsum boshlanishiga bir hafta qolganida Mariano Dias jamoasiz qolmoqda. Uning madridliklar bilan shartnomasi iyun oyi oxirida yakuniga etgan va bitim uzaytirilmagan.

30 yoshli o'yinchining yangi klub topa olmasligining sabablaridan biri futbolchining maoshi bilan bog'liq. Manbaning xabariga ko'ra, "Real"ning sobiq hujumchisi har mavsum 6 million evro olmoqchi, bu summani esa faqat Saudiya Arabistoni klublari to'lashi mumkin.

Ispaniyaning “Xetafe” va “Rayo Valeano” klublaridan Marianoga qiziqish borligi haqida mish-mishlar tarqaldi, ammo hozir bu jamoalarning hech biri futbolchi bilan shartnoma imzolash haqida o'ylamayapti.