"Mashal" - "Paxtakor". Uchrashuv haqida malumotlar

26-turda "Obod"dan ustun kelgan "Mashal" ayni paytda 8-o'rinni egallash uchun kurashga kirishgan. Jamoa o'z maydonida yaxshi o'yin namoyish etadi. Muborakdagi bahsni mezbonlardan Abbos SHodmonov, jamoamizdan Jamshid Iskanderov diskvalifikaciya tufayli o'tkazib yuborishadi.

Qarama-qarshilik
Oliy ligada jamoalar hozirga qadar 31 uchrashuvda to'qnash kelishgan. "Paxtakor" 22, "Mashal" 4 o'yinda zafar quchgan. 5 bahs durang bilan yakunlangan. 62 to'p kiritgan "sherlar" 20 bor darvozadan to'p olib chiqishgan. Muborakdagi bellashuvlarning 8tasida jamoamiz, 3tasida mezbonlar g'olib bo'lgan. 4 o'yinda durang qayd etilgan.

O'yin rasmiylari
Muborakdagi uchrashuvni Olim Tolibjonov boshchiligidagi hakamlar guruhi boshqaradi. U joriy mavsum oliy ligada uch o'yinimizni boshqardi. "Qo'qon-1912" va "Navbahor"dan ustun kelgan "Paxtakor" "Buxoro" bilan durang o'ynagan.

"MASH'AL" - "PAXTAKOR"
Hakamlar: Olim Tolibjonov (Toshkent), Nabi Ro'zimov (Toshkent), Vladlen Lushin (Guliston), Elyor Tursunov (Buxoro).
Nazoratchi: Arslon Hotamov (Toshkent).

Yoshlar tarkiblari 29 oktyabr, shanba kuni 15:00da bahsni boshlashadi. Asosiy jamoalar esa 30 oktyabr, yakshanba kuni 16:00da Muborakdagi Bahrom Vafoev nomli stadionda uchrashuvga start berishadi.