"Mashal: Ikkinchi ligadagi ikki jamoamiz g'olib bo'ldi

Dastlabki tur doirasida Kitobning “Neftchi” jamoasi Muborakning “Mashal-98” jamoasini o'z maydonida qabul qildi. O'yin mezbonlarning shiddatli hujumlari bilan boshlandi. Uchrashuvning 20-daqiqasida Amir Temurov o'tkir burchakdan to'p kiritib, kitobliklarni oldinga olib chiqdi.

Goldan so'ng muborakliklar o'ziga kelishdi va o'yin tizginini o'zlari tomonga og'dira olishdi. Birinchi bo'limning so'nggi daqiqalarida Temur Mamatov hisobni tenglashtirdi. Jamoalar shu hisob bilan tanaffusga yo'l olishdi.

Ikkinchi bo'limda “Mashal-98” futbolchisi Bakir Murtozaev o'zini har tomonlama ko'rsatdi. Uchrashuvning 60-daqiqasida o'zining mavsumdagi dastlabki golini kiritgan hujumchi keyingi vaziyatda raqib jarima maydoni ichida simulyaciya ishlatdi. Uchrashuvni boshqarib borayotgan Respublika toifasidagi hakam Suhrob Sattorov hech ikkilanmay Murtozaevga ikkinchi sariq kartochkani ko'rsatdi va maydondan chetlatdi. Raqib son jihatdan kam bo'lishiga qaramay “Neftchi” o'yinida jonlanish kuzatilmadi va uchrashuv 1:2 hisobida mehmonlar foydasiga hal bo'ldi.

“Neftchi”- “Mashal-98” 1:2
Gollar: Temur Mamatov, Bakir Murtozaev


Ikkinchi ligada ishtirok etayotgan yana bir jamoamiz "Mashal FA" yoshlari esa birinchi turni o'z maydonida o'tkazdi. Kosonning "Po'lati-Bunyodkor" jamoasiga qarshi bo'lib o'tgan uchrashuvda vakillarimiz 2:0 hisobida g'alabaga erishdi. Gollarni Temur Yumangulov va SHahboz Botirovlar kiritdi.

"Mashal FA" - "Po'lati-Bunyodkor"  2:0
Gollar: Temur Yumangulov, SHahboz Botirov

Ertaga aynan mana shu "Mashal FA" jamoamiz ikkinchi turni Qarshida "Binokor" jamoasiga qarshi o'tkazadi. "Mashal-98" jamoamiz esa navbatdagi ikki turni Navoiydagi Respublika birinchiligi bois o'tkazib yuboradi.