"Manchester Yunayted" APL tarixida eng yuqori maosh to'lash bo'yicha "Manchester Siti"ni ortda qoldirdi

"Yunayted" 21/22 yilgi mavsumda 384 million funt sterlingni ish haqiga ajratgan, bu yangi yuqori ko'rsatkich sanaladi.

Avvalgi rekord 2021-yil "Siti" tomonidan o'rnatilgan bo'lib, o'shanda "shaharliklar"ning maoshi 350 million funt sterlingni tashkil qilgandi. 

MYUning o'tgan mavsumdagi katta maoshi qisman Jeydon Sancho, Rafael Varan va Krishtianu Ronaldu kabi futbolchilarga sarflangan.

Biroq klubning sof qarzi hozirda 514,9 million funtni tashkil etadi, bu o'tgan yilgi 419,5 million funt sterlingdan 95,4 million funtga ko'proq degani.