“Manchester Siti” va “CHelsi” Eriksen uchun kurashga qo'shildi

26 yoshli Eriksen uchun “Real”dan tashqari “Manchester Siti” va “CHelsi” ham kurash olib boradigan bo'ldi. Futbolchi ayni damda “shporlar” bilan yangi shartnoma borasida kelisha olmayapti. Eriksenning “Tottenxem” bilan amaldagi shartnomasi 2020 yil 30 iyunda yakuniga etadi. Transfermarkt futbolchini 80 mln evroga baholamoqda.

Joriy mavsum Eriksen London klubi safida 27 ta o'yin o'tkazib, 6 ta gol urdi va 8 ta golli uzatmani amalga oshirdi.