Luka CHermel: "Bizni oldinda juda qiyin o'yinlar kutmoqda"

- "Mashal"ga qarshi bahsdan keyingi taassurotlaringiz qanday?
- O'yin juda qiyin kechdi. CHunki biz 120 daqiqa o'ynadik. Bahs boshida 2:0 hisobida oldinga chiqib oldik, shundan so'ng xatolarimiz evaziga ikkita gol o'tkazib yubordik. Aytaylik, jamoamiz bahs taqdirini ancha oldinroq hal qilib olsak bo'lardi. "Mashal" tezkor qarshi hujumlar bilan xavfli harakat qildi. Umuman olgandv raqib ham yaxshi jamoa, barcha yigitlarda imkoniyat bo'lishi bilan hujumga o'tishdi.

- Kubokning keyingi bosqichida kimga qarshi maydonga tushishni istardingiz?
- Biz raqib tanlamaymiz. CHunki biz qolgan jamoalar bilan ko'p marotaba to'qnash kelganmiz. Oson raqibning o'zi yo'q. Hammasi ijobiy natija ko'rsatish uchun maydonga tushadi.

- Jamoaning O'zbekiston kubogida qanday maqsadi bor?
- Bilasizmi, bizning jamoa o'z oldiga doimo yuqori maqsadlarni qo'ygan. Jumladan, kubokda ham maqsadimiz chempionlik hisoblanadi. Ammo jamoamiz OFK kubogida ham g'oliblikni niyat qilganmiz. Oldimizda 3 hafta ichida 7ta muhim bahs bor. Qisqa vaqt oralig'ilida barqaror futbol ko'rsatish qiyin, lekin biz muxlislarimizni xursand qilmoqchimiz.