"Legenda"ning o'zgarishlari ish berdi

Championat.asia jurnalisti Sherzod Nurmatov Superliga yangi mavsumini boshlab bergan mazkur uchrashuvdan keyingi kichik xulosasi bilan o'rtoqlashdi.  

OKMKda "legenda" (Mirjalol Qosimov)ning o'zgarishlari ish berdi va yakunda zaxiradan tushirilgan Ali Abdurahmonov mezbonlarga g'alaba taqdim etdi (2:1).

O'tgan mavsumni asosan zaxirada o'tkazib, sekin-asta boshlang'ich tarkib uchun davogarlik qilgan Saidafzalxon Axrorov bugun "Buxoro"ga qarshi to'liq o'ynadi. O'ynaganda ham alo darajada o'ynadi, menimcha. Tezligi, reydlari va uzatmalari Tolib aka Qosimovning tili bilan aytganda "asal")

Hujumchi Ajak Riak ancha bo'sh. Ayniqsa, bo'ydor bo'lishiga qaramay, ikkinchi qavatdagi kurashlarning deyarli barida yutqazdi. Ehtimol, keyingi turlarda o'yini ochilib ketar. Kleydi Daci va Ruben Sanches qaytsa, hujum chizig'ida jiddiy raqobat yuzaga keladi.

"Buxoro"da gol urgan Anvar Jo'raev yaxshi taassurot qoldirdi. Darvozabon Shirinboy Abdullaevning erkin zarbalari alohida mavzu. Uning tepgan to'plari maydon markazidan o'tmayapti desa ham bo'ladi. Xullas, turning ilk o'yini uchun kichik xulosam shular, hozircha. 

Ha, aytgancha, yorqin o'yin uchun jamoalarga, qiziqarli sharh uchun do'stim Muhammadyor Solievga rahmat. 

Bizdan uzoqlashmang! Tez orada ikki jamoa murabbiylarining fikrlaridan boxabar bo'lasiz.