Konte Azarni "Oltin to'p" uchun kurashishga chaqirdi

"Ronaldu, Messi yoki Neymar kabi futbolchilar har bir vaziyat uchun chanqoqligi ko'rinib turadi. Birinchi goldan so'ng ikkinchi, ikkinchisidan keyin uchinchi golni urishga harakat qilishadi. Aynan shu sifat ularni boshqalardan ajratib turadi. Ronaldu o'tgan mavsumda nima yutgani muhim emas. U yoki Messi jahon chempionatida mana shu chanqoq bilan ishtirok etishadi.

Meni buni futbolchining ichidagi "muqaddas olov" deb atashni yaxshi ko'raman, aynan shu narsa tufayli ular gol urib, o'yinlarda g'alabaga erishishadi. Har birimizning ichimizda shunday olov mavjud. U katta va kichik bo'ladi. Olovni yoqa bilish kerak. U yong'inga aylanganda, sen Messi, Ronaldu yoki Neymar kabi insonga aylanasan.

Azarda bu gigantlar bilan kurashish uchun hamma narsa bor. U kelasi yil "Oltin to'p" nomzodlari orasida bo'lishi uchun o'z o'yinini kuchaytirishi kerak. Unda buning uchun kuch bor, biroq kuchdan to'liq foydalanish qiyin bo'ladi" - deydi Konte.

2017 yil yakunlariga ko'ra, "Oltin to'p" Ronalduga nasib etdi, Azar esa 19-o'rinni egalladi.