Konferenciyalar ligasi saralashi. Jamoalar bahsni 10 kishidan bo'lib yakunlagan o'yinda “Tobol” minimal hisobda yutqazdi. Sergeev esa zaxirada qoldi

Qozog'istonning “Tobol” jamoasi safarda Bosniya va Gercegovina vakili “Zrinski Mostar”ga qarshi bahs olib borib, 0:1 hisobida imkoniyatni boy berdi. Uchrashuvdagi yagona gol 2-taym o'rtalarida Niko Yankovich tomonidan urildi.

Qayd etish joizki, jamoalar o'yinni 10 kishidan bo'lib yakunlashdi. 55-daqiqada Yosip CHorluka, 84-daqiqada esa Jarko Tomashevich qizil olib, maydonni tark etdi.

Qaydnomadan o'rin olgan Igor Sergeev esa zaxirada qoldi.

Eslatib o'tamiz, jamoalar o'rtasidagi javob bahsi 11 avgust kuni (19:00) Kostanaydagi “Markaziy” stadionda bo'lib o'tadi. Mazkur juftlik g'olibiga oxirgi pley-off raundida “Olimpiakos” – “Slovan” juftligida muvaffaqiyat qozongan jamoa to'qnash keladi.