Klopp "Liverpul"ning "Siti" bilan kurashi haqida: "Ehtimol kam, ammo shu ham etarli"

"To'qqizta o'zgarishdan keyingi o'yinimiz ham ajoyib. 0:1 yutqazayotganimizda, jarimadan gol urishimiz mumkin bo'lgan vaziyatda psixologiyani ko'rdim. Barcha bundan biroz asabiylashdi, ammo yigitlar o'zlarini bosib olishgandi. 

Biz ajoyib gol urdik, o'yindan chiqib ketmadik. Ikkinchi taymda oldinga borishda davom etdik, to'pni yaxshi nazorat qila olmagan vaqtimizda ham vaziyatlar bo'ldi. So'ngra gol urib, hisobni 2:1 ko'rinishiga keltirdik va barchasi joyiga tushdi. 

Top o'yin, aqlbovar qilmas chiqish, to'qqizta o'zgarish. Bu reja futbolchilar sabab ishladi. Agar o'xshamay qolganida, 1000 foiz mening aybim bo'lardi. 

- Sovrinning ehtimoli haliyam kammi? 

- Albatta, ehtimoli kam. CHunki "Siti" o'z uyida "Aston Villa" bilan o'ynaydi, ular esa ("Villa") payshanba kuni ligada qolish uchun kurashayotgan "Byornli" bilan to'qnash kelishadi. 

Ammo bu futbol. O'ylaymanki, o'shanda "Siti" (2019 yilda) 11 millimetr sabab chempion bo'lgandi ("Manchester Siti" himoyachisi "Liverpul" bilan o'yinda darvoza chizig'ini deyarli kesib o'tgan to'pni qaytarib yuborgandi).

Agar kimdir biz chempion bo'lishimizni istayotgan bo'lsa, eng avvalo g'alaba qozonishimiz kerak. "Aston Villa" esa "Siti"ga qarshi o'yinda ochko ishlashi lozim. Buning imkoni bor, ehtimoli kam, ammo amalga oshishi mumkin. SHuning o'zi etadi", - dedi Klopp.