Kin MYUning g'alabali seriyasi haqida: “Bu yaxshi, ammo ularga jiddiy raqib uchramadi”

“Ular yaxshi seriya qayd etmoqda, oxirgi o'yinlarda mag'lubiyatga uchrashmadi, ammo aslida ularga jiddiy raqib duch kelmadi. Yaqin haftalarda “Manchester Siti” va “Arsenal” bilan to'qnash kelishadi.

Va hozircha ishonchim komil emas. Menimcha, himoyada hali ham muammolar bor. Darvozadagi David de Xeadan ham ko'nglim to'lmayapti.

Ochig'i, ular o'tgan mavsumga nisbatan yaxshilanishdi, ammo buni amalga oshirish qiyin emasdi. Ronaldu bilan bog'liq vaziyat bartaraf qilindi va bu yordam berishiga ishonaman. Biroq, takror aytaman, ularda tajriba oshirish uchun bir qancha oson o'yinlar bor edi", deydi Kin.

Eslatib o'tamiz, Erik ten Xag shogirdlarini 10 yanvarda liga kubogi doirasida “CHarlton” bilan o'yin, chempionat doirasida esa 14 yanvarda “Siti”ga qarshi derbi kutmoqda.