Kasbidan rohat olayotgan Alimurod Mamadaminov 61 yoshda!
15 sen 2019 11:21
Yangiliklar

Kasbidan rohat olayotgan Alimurod Mamadaminov 61 yoshda!

Teglar : Tug'ilgan kun Alimurod Mamadaminov

Bugun O'zbekiston fotografiya sohasida o'z “muhri” va o'rniga ega mutaxassis, hamkasblari orasida birinchilardan bo'lib o'zining sportga oid asarlari ko'rgazmasini namoyish etgan ustozimiz Alimurod Mamadaminov 61 yoshga to'ldilar.

Buyuk ustozlardan saboq olib, o'zi ham bugungi kunda ko'plab shogirdlarga o'z bilganlarini ulashib kelayotgan Alimurod aka kasbining ustazodasi. SHu paytgacha bu inson haqida hech kim salbiy fikr bildirmagan. SHundan ham Alimurod Mamadaminovga berilajak tariflar qanday ekanligini bilib olish mumkin.

Alimurod aka o'zbekistonlik foto muxbirlar orasida birinchilardan bo'lib faqat sportga oid suratlardan iborat ilk shaxsiy fotoko'rgazmasini keng ommaga namoyish etgan. O'sha ko'rgazmaga muallifning faoliyati davomida tarixga muhrlangan eng sara asarlari qo'yilgandi.

Alimurod Mamadaminov haqida uzoq gapirish, iliq fikrlarni bildirish mumkin. Barcha hamkasblari, do'stlari, shogirdlari nomidan bugun tavallud ayyomini nishonlayotgan Alimurod Mamadaminovni unutilmas sana bilan muborakbod etamiz. Farzandlar, nevaralar, shogirdlar baxtiga hamisha sog' va salomat bo'ling, Alimurod aka!