Kapadze va Hakimovni ikkinchi davrada “Neftchi”da ko'ramiz...mi?

Bunga farg'onaliklar ustozi Murod Ismoilov “Olmaliq” bilan o'yindan so'ng o'z munosabatini bildirib o'tdi.

- Albatta tanaffus vaqtida ayrim chiziqlarni kuchaytirish uchun ko'z ostimizga olib qo'ygan o'yinchilar yo'q emas. Lekin hozircha ularning nomini aytish shart emas. Kapadze va Hakimov nomlari esa ochig'i bizning rejamizda yo'q edi. Lekin ularning ikkisini ham agarda imkoni bo'lsa, jamoamda ko'rish istardim. CHunki Temurlar o'yinchi emas, ular professional futbolchidir. Ular o'ynashni biladi. Tajribali Temur Kapadze ayni damda “Lokomotiv” sharafini himoya qilmoqda. Bir narsani to'g'ri tushunish lozim, bugungi kunda “Neftchi” bilan “temiryo'lchilar”ning sharoiti anchagina farq qiladi. Istaysizmi yo'qmi, yosh o'tgan sari har qanday futbolchi kelajakni taminlab olishi uchun ishlaydi.

- Iqtidorli futbolchi Temur Hakimovga keladigan bo'lsak, uning imkoniyatlarini yaxshi bilamiz. “Paxtakor” futbol klubi tarbiyalanuvchisi. Kubok bahsida “Oq-tepa” bilan o'ynaganimizda ushbu futbolchi bizda iliq taassurot qoldirdi. Lekin bu uning ikkinchi davrada jamoamizga keladi degani emas. Qolaversa Hakimovni ayni damda “Oq-tepa” bilan amalda shartnomasi bor.

- O'zimga qolsa, Temurlarning har ikkisini ham “Neftchi”da ko'rishni xohlardim. CHunki ular bizga yordam bera oladigan futbolchilardir – deydi Murod Ismoilov.

Islombek Rustambekov