Jasur Hasanov: “Obod”ga past baho berib yuborgandik"

“Bugun juda ham yaxshi o'yin bo'ldi. Raqib ham, biz ham yutib ketishimiz mumkin edi. Bu uchrashuv taqdirini yagona gol hal qilishi aniq edi. Lekin afsus shuncha imkoniyatlar sodir etgan bo'lsak ham, so'nggi zarbaga aniqlik etishmadi”, - deydi Hasanov.  

- “Obod” bilan o'yin bilan bugungisini umuman taqqoslab bo'lmaydi. Nega “Obod”ga qarshi mana shunday o'ynamadinglar?
- Ochig'i, “Obod”ga past baho berib yubordik. O'yinga kelib osonlikcha yutib ketishimizga ishongan edik. Ammo futbolda raqibga etarlicha baho bermaslik nimalarga olib kelishini yana bir bor amalda ko'rdik.

- Bugun “Paxtakor” o'z o'yinini to'liq namoish eta oldimi? Ikkinchi bo'limda deyarlim ustunlik “Buxoro” tomonida bo'ldi.
- “Paxtakor” o'tgan o'yinlarga nisbatdan ancha mazmunliroq tarzda o'ynadi deb hisoblayman. Bugun ular borlarini berib maydonda to'p tepishdi.