Ismoil Gonsalvesh: "Ikkinchi bosqichda barcha raqiblarni mag'lubiyatga uchratishga harakat qilamiz"

- O'yinda ishqibozlarimizni chiroyli g'alaba bilan xursand eta oldik. Bellashuvni nazorat qildik va vaziyatlardan unumli foydalandik. Bilmadim, bu mavsumdagi eng yaxshi o'yinimmi yoki yo'q, ammo biz har doim bor kuchimizni berishga urinamiz.

Xet-trikka erishganimda jamoadoshlarimning hissasi ulkan bo'ldi. Ular menga shunday imkoniyat yaratib berishdi. Jamoaviy o'yin va g'alaba eng muhim narsa. Yakunda chempion bo'lishimiz barchasidan kerakliroq turadi.

Keyingi bosqichni "oltin ochkolar" bilan boshlashimizni bilganimda hayron bo'lgandim. Ammo format shunday va shu bo'yicha o'ynaymiz. Oldimizga chempionlik maqsadini qo'yganmiz. Ushbu niyat yo'lida olg'a qadam bosishda davom etamiz. Ikkinchi bosqichda barcha raqiblarni mag'lubiyatga uchratishga harakat qilamiz.