Islom Ismoilov: "Futbolchilardagi jarohatlar muammolarni keltirib chiqarmoqda"

"O'yin durangg mos emasdi. G'alabaga biz ko'proq haqli edik. Yaratilgan vaziyatlardan foydalana olmayapmiz, futbolchilarimni tani bo'lmayapti. Tarkibimizda ko'plab futbolchilar jarohatlangan edi. Qaysidir manoda bu omillar ham o'yinga tasir qildi. Asilbekni bugun maydonga tushurish rejamizda yo'q edi. Lekin, shunga majbur bo'ldik. CHunki, zaxiramiz tor edi. Asilbekda jarohat bo'lishiga qaramasdan yaxshi harakat qildi. 

Maqsadimiz hujumkor futbol ko'rsatish. Lekin, tarkibimizdagi ayrim ijrochilar biz xohlagan narsalarni bajarib bera olmayapti. Talablarimizga mos tushmayapti. Safardagi ikki o'yinda g'alaba qozonishga harakat qilamiz. 

"Neftchi" nomini o'zi bu raqibga hurmat bilan qarashni anglatadi. Bilasiz, "Neftchi" o'ziga yarasha tarixiga ega jamoa sanaladi. Raqibni o'yinini tahlil qilish mening vazifam emas. Lekin, ular ham ochkolar qo'lga kiritishga harakat qilishmoqda. Karantindan keyin ko'p jamoalar tayyorgarlik uslubini o'zgartirdi. Karantindan oldin "Neftchi" boshqacha o'ynayotgan edi. Bizda ham kamchiliklar bor, hujumlar orasidagi bog'lamlar ustida ishlashimiz kerak. 

Har bir o'yinga g'alaba uchun chiqamiz. Futbolchilarni ruhiyatini ko'tarishga harakat qilmoqdamiz. "Xorazm" bilan o'yinga tayyorgarlik ko'rish uchun ixtiyorimizda vaqt kam. 22 sentyabr kuni yo'lga chiqamiz, bir kun mashg'ulot o'tkazar ekanmiz. Jamoamizdagi muammolar haqida gapiradigan bo'lsam vaqt etmaydi. Futbolchilar bilan bog'liq muammolar bor. Kutilmagan jarohatlar bizga muammolar keltirib chiqarmoqda. Bugun umuman maydonga tushmagan futbolchilar ham o'ynadi",- deydi Islom Ismoilov.