Gvardiola: “Man Siti” ayni dam APL chempionligi haqida o'ylaydigan holatda emas”

“Odatdagidek, “Tottenxem” qarshi bahsni uy va safarda bo'lgani kabi ajoyib boshladik, ammo xatoga yo'l qo'yganimizdan keyin jazolandik. 0:1 dan keyin barchasi boshqa tomonga o'zgardi. Bizda imkoniyatlar bo'ldi, lekin, Son va Kulushevski fazasida to'pni yo'qotib qo'ysangiz, bu juda qiyin bo'ladi. Uch ochkoni qo'ldan boy berdik.

“Tottenxem” maydonidagi omadsizlikalrga kelsak, ertami-kechmi hammasi o'zgaradi, ammo bu erda birorta ham gol urmaganimiz g'alati, oldin penaltidan ham gol urmaganmiz. Buni tushuntirish mushkul.

CHempionlikni o'ylaydigan holatda emasmiz, faqat keyingi o'yin – “Aston Villa”ga qarshi bahsga etiborimizni qaratamiz. Yaxshi tayyorgarlik ko'ramiz va qo'limizdan kelganicha o'ynaymiz.

“Tottenxem”da fantastik jamoa va tarkib bor, bu orqali ular sizni jazolaydi”, deydi Gvardiola.