"Gol mashina"! Xoland bir mavsumda gol urish bo'yicha APL futbolchilarining rekordini yangiladi

Ushbu gol Xolandning davom etayotgan mavsumdagi barcha musobaqalardagi 45 goli bo'ldi. Bu APL futbolchilari orasida rekord ko'rsatkich.

Dortmundning “Borussiya”sidan kelib qo'shilgan va “Siti”da debyut mavsumini o'tkazayotgan Xoland APLning 27 o'yinida 30 ta, CHempionlar ligasining 7 ta o'yinida 11 ta, Liga kubogining 2 ta o'yinida 1 ta va Angliya kubogining 2 ta o'yinida 3 ta gol urishga muvaffaq bo'ldi. Umumiy hisobda Erling 39 uchrashuvda 45 ta gol urdi.