Goal.com: “Bavariya” chempion bo'lmasa, Tuxel haydaladi

Manbaga ko'ra, germaniyalik mutaxassis tayinlanganidan ikki oy o'tib, o'z lavozimini yo'qotish ehtimoli juda yuqori. Tuxel boshchiligida “Bavariya” etti uchrashuvda uch bor mag'lub bo'ldi, ikki marta g'alaba qozondi va yana ikki bor durang o'ynadi. 

Yulian Nagelsman qo'l ostida “Bavariya” barcha musobaqalarda 37 o'yinda uch marta mag'lub bo'lgandi. SHu bilan birga, “Bavariya” CHempionlar ligasi va Germaniya kubogidan chiqib ketdi. CHempionatning o'tgan turidan so'ng myunxenliklar birinchi o'rini Dortmundning “Borussiya”ga topshirgandi. 

Malum qilinishicha, “Bavariya” xo'jayinlari 22-may, dushanba kuni klubning mavsumdagi so'nggi o'yiniga besh kun qolganda yig'ilish o'tkazib, murabbiylar va direktorlar shtabi bo'yicha yakuniy muhim qarorlarni qabul qilishadi.