"Iordaniyalik muxlislar "Al Faysali"ning asosiy kuchi ekan" - Ro'ziqul Berdiev

"Bugun g'alabani ko'zlab maydonga tushgandik, bunga erishdik. Albatta, oson bo'lmadi. Ikkinchi taymning 20 daqiqasini yomon o'tkazdik.

Mezbonlar muxlislarini tushunib turibman. Ular o'z sevimlilari yutishini xohlashadi. Lekin alohida takidlash kerak, "Al Faysali" muxlislari jamoani astoydil qo'llab-quvvatlab, katta kuch berishdi. Ular jamoaning asosiy kuchi ekan. 

Boshida aytganimdek, biz faqat g'alaba uchun o'ynadik. "Al Faysali" durang uchun harakat qildi, deya olmayman. Biz g'alaba uchun oxirigacha kurashdik va maqsadimizga etdik. Zaxiradan tushganlar o'yinga yaxshi kirishib ketishdi. Bu almashtirishlar o'yinimizni kuchaytirdi. 

Jamoalarimiz keyingi bosqichga chiqishga qodir.

Yigitlarimiz OCHLda va ko'plab muxlislar oldida o'ynash tajribasiga ega. SHuning uchun birinchi bo'limda deyarli hayajon sezilgani yo'q", – dedi Berdiev.

"Nasaf" Iordaniya klubini 1:0 hisobida mag'lub etib, guruh etakchisi bo'lib oldi. "Ajdarlar"ning keyingi uchrashuvi Qatarning "Al Sadd" klubiga qarshi kechadi. Bahs 2 oktyabr kuni Qarshida bo'lib o'tadi.