Futzal. O'zbekiston MTJ Ummon bilan o'rtoqlik o'yinlari o'tkazadi
31 jan 2020 16:34
Yangiliklar

Futzal. O'zbekiston MTJ Ummon bilan o'rtoqlik o'yinlari o'tkazadi

SHu yilning 26 fevralidan 8 martiga qadar Turkmaniston poytaxti Ashxobod shahrida futzal bo'yicha Osiyo chempionati-2020 bahslari bo'lib o'tadi.

Ayni paytda Bahodir Ahmedov boshchiligidagi O'zbekiston milliy terma jamoasi Toshkentda yig'inni davom ettirmoqda. Mashg'ulotlar kuniga ikki mahaldan olib borilmoqda. Bu haqda xabar bergan edik.

Foto Futzal bo'yicha O'zbekiston MTJ mashg'ulotlarni davom ettirmoqda

Qita birinchiligiga tayyorgarlikning so'nggi bosqichini olib borayotgan O'zbekiston MTJ Ummon terma jamoasi bilan ikkita o'rtoqlik uchrashuvi o'tkazish borasida kelishuvga erishdi. Uchrashuvlar 18 va 19 fevral kunlari Toshkentda bo'lib o'tadi. SHundan keyin terma jamoamiz Turkmanistonga yo'l oladi.

Ummon ayni paytda jahon reytingida 767 ochko to'plagan holda BAA bilan birga 92-o'rinni bo'lishib turibdi. O'zbekiston MTJ esa 1221 ochko bilan 24-pog'onani band etgan.

Eslatib o'tamiz, Osiyo chempionatida 16 terma jamoa 4 guruhga bo'lingan holda g'oliblik uchun kurash olib boradi. Bahodir Ahmedov boshchiligidagi O'zbekiston MTJ "C" guruhida Bahrayn, Xitoy hamda Indoneziyaga qarshi bahs olib boradi. Ummon esa "A" guruhida Turkmaniston, Vetnam hamda Tojikiston termalari bilan bellashadi.

Qitaning eng kuchli 5 jamoasi Litvada bo'lib o'tadigan to'qqizinchi mundialga yo'llanmani qo'lga kiritadi.

Havola :

Manba : championat.asia

Yangiliklarni Telegramda o'qing!

Reyting: +4