Franciya 1-ligasida o'ynaydigan futbolchi ko'prikdan sakrab, o'z joniga qasd qilmoqchi bo'ldi

"Nicca" futbolchisi Aleksis Beka Beka o'z joniga qasd qilmoqchi bo'lib, erdan 100 metrdan ortiq balandlikda joylashgan ko'prik chetidagi to'siqdan oshib o'tgan va sakramoqchi bo'lgan. Qariyb uch soatlik shovqin-surondan so'ng o'yinchi qutqarib qolingan.

BFM Nice Cote d'Azur nashrining xabar berishicha, "Nicca" yarim himoyachisi juma kuni tongda shahardagi A8 avtomagistralida joylashgan balandligi 123 metr bo'lgan Magnan ko'prigiga borgan va yo'l chetidagi to'siqni hatlab o'tib, o'zini erga tashlamoqchi bo'lgan.

Xabarlarga ko'ra, policiya futbolchini qutqarish uchun voqea joyiga zudlik bilan etib borgan. Qariyb uch soatlik urinishdan so'ng Aleksis eson-omon qutqarib qolingan.

Qayd etilishicha, Beka Bekaning o'z joniga qasd qilish fikri sevgilisi bilan rishtalari uzilganidan so'ng paydo bo'lgan.

Eslatib o'tamiz, 22 yoshli yarim himoyachi o'tgan yilning yozida "Nicca" klubi safiga qo'shilgandi.