FIFA20 o'yinida o'zbekistonlik futbolchilar bormi?

Ushbu o'yinni hamyurtilarimiz ham sotib olib, o'ynashga ham ulgurishgani aniq. FIF20da o'zbekistonlik futbolchilar borligiga hech qiziqdingizmi?

O'yindagi futbolchilar bazasida faqat 3 nafar o'zbekistonlik futbol ustasi borligini aniqladik. Etiboringizga shu 3 futbolchi va ularning ko'rsatkichlarini taqdim etamiz.

FOZIL MUSAEV

Faoliyatini Yaponiyaning "Jubilo Ivata" klubida davom ettirayotgan Fozil Musaev FIFA20 o'yinida mavjud bo'lgan uch o'zbekistonlikning biri hisoblanadi. Joriy mavsum J liganing 8ta uchrashuvida maydonga tushgan hamyurtimizning o'yindagi umumiy ko'rsatkichi - 60.

Ko'rsatkichlar (100 ballik tizimda):

Tezlik - 65, zarba - 46, paslar - 57, dribling - 63, himoya - 55, jismoniy tayyorgarlik - 71.

IKROM ALIBOEV

FIFA20dagi navbatdagi futbolchimiz Janubiy Koreyaning "Seul" klubi sharafini himoya qilayotgan - Ikrom Aliboev. Koreya chempionatining 30ta o'yinida 3ta gol urishga erishgan yarim himoyachimizning ko'rsatkichi 68.

Ko'rsatkichlar (100 ballik tizimda):

Tezlik - 67, zarba - 64, paslar - 67, dribling - 63, himoya - 55, jismoniy tayyorgarlik - 61.

ODIL AHMEDOV

FIFA20 o'yinidagi eng kuchli o'zbekistonlik "SHanxay SIPG" safida to'p tepayotgan Odil Ahmedov hisoblanadi. Ahmedovning ko'rsatkichlari o'yinning avvalgi qismidagidek emas. Hamyurtimizning raqamlari pasaytirilgan.

Ko'rsatkichlar (100 ballik tizimda):

Tezlik - 70, zarba - 71, paslar - 72, dribling - 71, himoya - 71, jismoniy tayyorgarlik - 72.