FIFA U-17 Jahon chempionatining Milutinovich sharafiga tayyorlangan rasmiy timsoli elon qilindi

Yangi kengaytirilgan 48 jamoa ishtirokidagi turnir 3 noyabr, dushanba kuni boshlanadi.

BOMA afsonaviy Bora Milutinovichga bag'ishlangan bo'lib, u Qatarga ko'chib o'tishdan oldin beshta FIFA Jahon chempionati jamoasiga murabbiylik qilgan va maslahatchi sifatida ishlagan.

Cho'l boyo'g'lisi kelajakdagi yulduzlarni tarbiyalashda futbol skautining ko'pincha etibordan chetda qoladigan rolini o'zida mujassam etgan.

3-27 noyabr kunlari zamonaviy Aspire Zone hududida festivalga o'xshash muhitda bo'lib o'tadigan 48 jamoa ishtirokidagi U-17 mundial uchun chiptalar sotuvga chiqqan.

Boyo'g'li degan manoni anglatuvchi timsol nomi afsonaviy serbiyalik sobiq o'yinchi va murabbiy Bora Milutinovich sharafiga nomlangan bo'lib, u 1986-2002 yillar oralig'ida ketma-ket beshta JCHda ustozlik qilgan va keyin murabbiy va skaut sifatida Qatar futboliga katta hissa qo'shgan.

Qatarning global futbol ekotizimidagi yuksalish mavqei qisman Milutinovichga bog'liq. U 2009 yilda Fors ko'rfazi davlatiga ko'chib o'tganidan beri Qatar futbolining maslahatchisi, ustozi sifatida xizmat qilgan.

Bora singari, dono va tajribali timsol BOMA kelajakdagi superyulduzlarni izlab, kelajak avlodni aniqlash va rivojlantirishga bo'lgan o'tkir nigohi bilan porlaydi.

BOMA — Milutinovichga va turli xil sharoitlarda istedodlarni kashf etish uchun o'z tajribasi, tasavvuri va oldindan ko'ra bilish qobiliyati orqali mehnat qiladigan barchaga hurmat belgisi.

O'zbekiston U-17 terma jamoasining taqvimi